ПСЖ се пласираше во финалето на Лигата на шампионите откако го победи Арсенал во реваншот на домашен терен во средата. По победата со 1:0 во Лондон, славеше со 2:1 на домашен терен во Париз и се пласираше во финалето. Таму ги чека Интер, а натпреварот за титулата ќе се игра на 31 мај во Минхен.
ПСЖ на патот до финалето победи дури четири англиски клуба. Во главната, лигашка фаза, го победи Манчестер Сити со 4:2. Потоа во трите нокаут рунди ги нанижа Ливерпул во осминафиналето, Астон Вила во четвртфиналето и Арсенал во полуфиналето.
По натпреварот, Луис Енрике доби големи пофалби, бидејќи е блиску до освојување на Лигата на шампионите во првата сезона без Килјан Мбапе.
Мбапе го напушти ПСЖ минатото лето. За „Светците“ играше 7 години, одигра 308 натпревари, постигна 256 голови и забележа 107 асистенции.
Иако остана без најдобриот играч и најдобриот стрелец во клупската историјата, Енрике импресивно стигна до финалето на Лигата на шампионите. Шпанецот се присети на изјавата што ја даде кога Мбапе замина во Реал:
„Бев многу храбар минатата сезона кога реков дека ќе имаме подобар тим без Мбапе. Сè уште го мислам тоа, а статистиката го потврдува“, рече тој и додаде.
„Штета е што Мбапе си замина, но играчите го сфатија тоа како предизвик. Би сакал Мбапе да останеше, но другите играчи брилијантно одговорија на предизвикот. И секогаш ќе претпочитам да имам четири играчи кои постигнуваат по 12 голови отколку еден кој постигнува 40“.
