Репрезентацијата на Македонија дефинитивно на 1 јуни ќе одигра пријателски натпревар против Турција во Истанбул, потврди денеска ФФМ.
Натпреварот ќе се одигра на стадионот „Шукру Сараџолу“, дом на Фенербахче, со почеток во 19:30 часот по македонско време.
Репрезентацијата на Турција е учесник на Светското првенство 2026 и ќе биде сериозен тест за избраниците на селекторот Гоце Седлоски.
Ова е втор договорен контролен натпревар за „Рисовите“ откако претходно бвеше потврдено дека на 29 мај ќе се одигра меч против Босна и Херцеговина во Сараево, исто така учесник на претстојниот Мундијал.
Македонија и Турција досега имаат одиграно 8 натпревари, од кои 4 пријателски и 6 квалификациски. Турците се поуспешни со 5 победи, два меча завршиле со реми, додека македонските фудбалери победиле само еднаш и тоа со 1:0 на пријателска во јуни 2006 година на неутрален терен во Германија. Последниот меѓусебен меч беше во јуни 2017 кога одиграа без голови во Скопје.
