Меѓународната фудбалска федерација (ФИФА) усвои нови правила во врска со однесувањето на гледачите на Светското првенство, кое започнува на 11 јуни во Канада, САД и Мексико.
ФИФА го забрани внесувањето на вувузели на стадионите. Вувузелите, долги пластични труби, се основна состојка на фудбалските натпревари во Јужна Африка и станаа светски познати на Светското првенство во 2010 година во Јужна Африка кога ги иритираа и играчите и гледачите на стадионите, како и оние што ги гледаа натпреварите на телевизија.
Покрај вувузелите, свирчињата, трубите и другите уреди што произведуваат претерано гласни звуци се исто така забранети на стадионите.
И инструментите што емитуваат ласерски зраци се исто така забранети.
Иако многу навивачи веруваат дека одлуките на ФИФА се на место, шокирани се што и пластичните шишиња за вода се забранети.
ФИФА истакна дека тие се потенцијално опасни за играчите ако бидат удрени од гледачи.
Од друга страна, навивачите стравуваат дека пијалаците на стадионите ќе се продаваат по солени цени.
