Фудбалер на Верона се степа со навивачите

Верона во неделата загуби од Милан (0:1), а по натпреварот Гифт Орбан беше во центарот на вниманието бидејќи се тепаше со навивачите.

Напаѓачот на Верона беше незадоволен по поразот, исто како и навивачите.

По натпреварот Орбан одбил да застане и да се фотографира со еден навивач, кој лут поради тоа го удрил автомобилот на фудбалерот. Орбан излегол од возилото, а потоа ситуацијата ескалирала.

Она што започнало со вербална расправија, многу брзо сè се претворило во физичка пресметка. Видео од целиот настан брзо почна да кружи на социјалните мрежи.

На местото на настанот биле и членови на специјалната полициска единица, а надлежните органи веднаш започнаа истрага за време на која ќе ги прегледаат сите снимки.

Повеќе детали за случајот ќе бидат познати во наредните денови, а засега нема реакција од клубот.

Гифт Орбан е 23-годишен напаѓач од Нигерија кој во Верона настапува како позјамен од Хофенхајм. Сезонава во Серија А на 28 натпревара постигна 7 голови и има 3 асистенции. Верона е речиси испадната бидејќи на пет кола до крајот е на 10 бодови од безбедната зона, а има 5 порази во низа и има само една победа од јануари до денес.