Собирот на репрезентативците пред квалификациските натпревари со Белгија и Казахстан го искористија МВР и РСБСП за да направат заедничка кампања со цел за подигнување на безбедноста во сообраќајот.
„Фудбалот нè обединува, но и на патот треба да играме како тим. Со почитување на правилата, внимателност и одговорно однесување, секој од нас придонесува за побезбедни патишта“, вели пораката од кампањата.
Во речиси двеминутното видео се појавуваат бројни фудбалери, како и министерот за внатрешни работи Панче Тошковски и легендата на македонскиот фудбал Горан Пандев.
