Тренерот на Лацио, Џенаро Гатузо, имаше измешани чувства откако неговиот тим одигра нерешено 2:2 против Милан во вчерашниот натпревар од 5-тото коло на Серија А.
Лацио водеше со 2:0, но на крајот освои само бод, поради што Гатузо беше задоволен од пристапот на тимот во првото полувреме, но разочаран од падот во играта во второто.
Гатузо исто така беше незадоволен поради отсуството на навивачи на трибините на „Олимпико“.
Пред натпреварот, навивачите на Лацио го испратија тимот од тренинг-центарот „Формело“ до стадионот, но повторно одлучија да го бојкотираат влегувањето на самиот стадион „Олимпико“.
„Луѓето овде се страсни; не дај Боже некој да се закачи со нивниот тим – веднаш реагираат бурно. Сите тие би сакале да бидат на стадионот. Фактот што нè следеа од ’Формело‘ покажува дека со гордост гледаат на играчите кои го носат овој дрес. Бев трогнат кога ги видов тие луѓе, вклучително и постарите. Фудбалот без навивачи нема смисла. Подобро е едноставно да го изведеш кучето на прошетка“, рече тој.
Навивачите на Лацио одлучија сезонава да не доаѓаат на стадион во знак на бојкот кон претседателот Клаудио Лотито. 70-илјадниот „Олимпико“ на досегашните три домашни натпревар (два во лигата и еден во купот) е морбидбно празен. Со Милан имаше 10 илјади публика, додека на претходните два само по 6 илјади.
