Серху Гираси постигна хет-трик во победата на Борусија над Барселона (3:1), но не успеа со „Милионерите“ да се пласира во полуфиналето во Лигата на шампионите. Пресуди првиот меч, кој Барселона го доби со 4:0.
Гираси на „Вестфален“ урна неколку рекорди. Со трите гола дојде до бројката 13 голови сезонава во Лигата на шампионите. Сега тој е најдобриот стрелец на Борусија во една сезона во Лигата на шампионите, претходно тој рекорд го држеа Роберт Левандовски и Ерлинг Холанд (по 12 голови).
Репрезентативецот на Гвинеја синоќа стана првиот африкански играч кој постигнал хет-трик против Барселона. Исто така стана и играчот кој на Барселона ѝ дал најмногу голови во една сезона од Лигата на шампионите (5).
Гираси игра брилијантно сезонава, постигнува гол на секои 144 минути. Се шпекулира дека внимателно го следат Манчестер Јунајтед, Челси и Арсенал.
Гвинеецот во досегашниот дел од сезоната на 40 натпревари има учинок од 28 голови и 9 асистенции.
Според Bild, откупната клаузула во договорот на Гираси изнесува 70 милиони евра.
Во Дортмунд дојде минатото лето од Штутгарт за 18 милиони евра. Претходно 29-годишниот голгетер настапуваше за Рен, Амјан, Келн, Оксер, Лил и Лавал.
