Голем гаф на УЕФА: Чеферин остана без медали, тројца играчи на Тотенхем извисија

По финалниот натпревар, на церемонијата на доделување на медалите, беше виден еден многу интересен и необичен момент кој ги шокираше сите гледачи.

Синоќа фудбалерите на Тотенхем ја освоија Лига Европа, со што го однесоа дома првиот трофеј по 17 долги години, или 41 година сметано само во европските натпреварувања. На стадионот „Сан Мемес“ во Билбао, Тотенхем го победи Манчестер Јунајтед со 1:0 со голот на Бренан Џонсон. Последен пат Тотенхем во Европа освои пехар во 1984 годин и тоа Купот на УЕФА, натпреварување кое денес е ребрендирано во Лига Европа.

Имено, за време на доделувањето на златните медали на играчите на лондонскиот тим, претседателот на УЕФА, Александер Чеферин, остана без неколку медали, па тројца играчи на Тотенхем извидија за наградите на подиумот. Откако ги додели сите медали, дојде ред на Родриго Бентанкур, Кристиан Ромеро и капитенот Сон Хјон-мин да ги примат своите медали, меѓутоа, наместо злато околу вратот, тие добија само насмевка од Чеферин и збунет поглед.

Кога претседателот на УЕФА сфати „дека неговата чинија е празна“, се сврте кон луѓето од протоколот и по краткиот разговор со нив, со насмевка им се извини на тројцата играчи на Тотенхем и се ракуваше.

Секако, тоа не им пречеше на гореспоменатите играчи, а имаше и многу смеење додека позираа пред камерите.

Се разбира, тројцата фудбалери нема да останат без медали и ќе ги добијат накнадно од УЕФА. Но, срамот на европската куќа на фудбалот ќе остане.