Пад од две места забележа Македонија на најновата ранг-листа на ФИФА, објавена денеска, каде се најде на 71. место.
Можеби многумина очекуваа вртоглав пад со оглед на четирите последователни порази во исто толку натпревари во новата сезона од Лигата на нации, но Македонија сепак назадуваше само две места.
Според официјалните податоци, репрезентацијата изгуби дури 18,24 бодови и со 1.350,91 бод од 69-тото падна на 71. место. Падот се должи и на одличните резултати на Северна Ирска, која на јулската листа беше веднаш зад нас, а сега скокна дури 6 позиции. Нѐ престигна уште и Јамајка. За наша среќа и другите репрезентации околу нас не забележаа добри резултати, па оттаму и падот од само две позиции.
Македонија во овој период загуби двапати од Швајцарија со по 3:0 дома и на гости, а со по 2:0 дома од Шкотска и на гости кај Словенија.
Лани во октомври бевме на 65-тото место.
Што се однесува во врвот, нема големи промени во топ 10. Шпанија е прва пред Аргентина, Франција и Англија. Единствен скок направи Португалија, која сега е 5-та откако ги рипна Бразил и Мароко. Следуваат Белгија, Холандија и Мексико.
The new FIFA ranking for October 📊🧵 🇪🇸 Spain stay No. 1, ahead of 🇦🇷 Argentina, 🇫🇷 France and 🏴 England 🇵🇹 Portugal up 2 to 5th since July, 🇨🇭 Switzerland up 2 to 12th Last games of the window: 🇪🇸 Spain won 2-1 in 🇭🇷 Croatia (+3.72), Croatia down to 14th behind 🇩🇪 Germany 🏴 England beat 🇨🇿 Czechia 3-0 (+2.16) 🇺🇸 USA beat 🇨🇦 Canada 1-0 (+3.85) 🇲🇽 Mexico lost 2-0 at home to 🇨🇱 Chile (-7.56) but stay 10th ⬆️⬇️ on the card = places moved since July's official ranking
— Football Meets Data (@fmeetsdata) October 7, 2026
Наредното ажурирање ќе биде направено на 18 ноември, по последната репрезентативна пауза за оваа година.