Интер го потврди останувањето на Киву

Тренерот Кристијан Киву ќе остане на клупата на Интер и наредната сезона, а со него и неговите помошници.

Интер бележи одлични резултати и е на врвот на италијанското првенство, каде што е сѐ поблиску до освојување на титулата. Дека нема да има промени во тренерскиот кадар потврди и претседателот на клубот, Џузепе Марота, кој јасно стави дознаење дека нема планирани промени.

„Киву останува, тоа е сигурно. Тој ќе биде со нас следната сезона. Тој е еден од најперспективните тренери во Европа“, рече Марота.

Овој став на раководството значи дека и асистентот на Киву, Србинот Александар Коларов, ќе ја продолжи својата работа во Интер, бидејќи клубот верува дека успешниот стручен штаб не се менува сè додека носи резултати. Остануваат и техничките асистенти Марио Чеки, Анџело Паломбо и Рикардо Рокини, како и тренерите на голмани Џанлука Спинели и Паоло Орландони.

Што се однесува до Коларов, кој е единствен странец во целиот стручен штаб на Интер, иако многумина веќе го видоа на клупата на Црвена звезда, а имаше многу шпекулации за тоа минатата година, тој одлучи да ја продолжи тренерската кариера во Италија како асистент. Поранешниот српски репрезентативец претходно самостојно ја водеше младинската репрезентација на Србија, но неговото враќање на позицијата асистент покажа дека сè уште стекнува искуство пред евентуален независен тренерски ангажман.

И Киву и Коларов се поранешни играчи на Интер, но сепак не играа заедно. Киву беше дел од „Нераѕурите“ од 2007 сѐ до пензионирањето во 2014, а Коларов играше од 2020 до 2022.