Судиите на синоќешниот меч Парма - Интер се топ тема во италијанските медиуми откако досудија офсајд што не постоеше.
При резултат 0:0, играчите на Парма тргнаа во контра напад од својата половина и со топка во фор требаше да го загрозат голот на Интер. Иако напаѓачот Јакоб Ондрејка, кон кого беше упатена топката, беше во својата половина, на сигнализација на помошникот судијата Андреа Коломбо досуди офсајд.
Според правилата на игра, офсајд не се суди доколку играчот се наоѓа во сопствената половина, без разлика ако е зад противничките играчи.
ВАР не можеше да интѕервенира бидејќи судијата не остави акцијата да заврши.
Во одбрана на помошникот, густа магла имаше за време на целиот натпревар.
Интер потоа постигна два гола и со 2:0 славеше на гостувањето во Парма.
