Излегоа снимки: Тео Ернандес ги организирал забавите со ескорт девојки

Францускиот репрезентативец Тео Ернандес се најде во центарот на нов скандал откако италијанскиот папарацо Фабрицио Корона го обвини за организирање приватни забави во кои наводно учествувале ескорт девојки.

Корона објави видеа на кои се гледа како поранешниот фудбалер на Милан и Реал Мадрид танцува опкружен со голем број девојки. На некои од видеата гостите носат дресови на Милан.

„Тео Ернандес ја организираше ескорт забавата и беше главната личност зад сето тоа. Тој дури наводно купил и комбе специјално за овие собири“, тврди Корона.

Според него, на забавите наводно присуствувале Хакан Чалханолу, Брахим Диас, Самуел Кастиљехо, Џанлуиџи Донарума, Сандро Тонали, ретко се појавувал Рафаел Леау, додека Златан Ибрахимовиќ се појавил само еднаш.

Корона, исто така, тврди дека на овие собири биле користени балони што содржат азотен оксид, познат и како „гас за смеење“.

„Еднаш, возачот наводно му рекол на Тео: 'Престани, утре имаш натпревар'“, рече Корона.

Ова не е прв пат Ернандес да биде поврзан со скандал. Пред година и пол, Корона објави видео од наводен инцидент во ноќен клуб, на кое се гледа маж за кој тврдеше дека е француски фудбалер како се тепа со две жени.

Во тоа време Корона објави и документ во кој тврди дека е постигнат договор меѓу адвокатите на Ернандес и сопствениците на клубот. Според обвинувањата, фудбалерот наводно платил вкупно 95.000 евра за инцидентот да се држи подалеку од очите на јавноста.

Новите обвиненија доаѓаат само неколку недели откако обвинителите во Милано разбија мрежа за проституција која наводно ја користеле голем број фудбалери од Серија А.

Засега Ал Хилал и Ернандес официјално не коментираа за новите обвинувања.

Левиот бек играше за Милан од 2019 до 2025 година запишувајќи 262 настапа, 34 голови и 45 асистенции.