Јувентус и Милан изминатиов период толку киксираа губејќи бодови што се доведоа до ситуација во послендото коло да им зависи пласманот во Лигата на шампионите, каде многу извесно е дека „Старата дама“ нема да игра.
Јувентус и викендов продолжи да губи бодови отако загуби со 2:0 дома од Фиорентина, но Милан успеа да победи со 2:1 на гости кај Џеноа и да остане меѓу првите четири. Во последното коло Милан игра дома со Каљари и сам си ја решава судбината, додека Јуве гостува кај градскиот ривал Торино и дури и со победа може да извиси доколку покрај Милан победа оствари и Рома, која има навидум лесна задача дома со испаднатата Верона.
Италијанските комичари познати како Gli Autogol објавија урнебесно видео во кое Јуве го обвинува Милан дека го изневерил, го оставил сам во Лига Европа, а Јуве навивал за Милан во дербињата со Интер. Милан се правда дека не сакал да победи со Џеноа, дека само двапати шутнал на гол, му дале пенал, па едноставно „се случило“ да победи.
