Како играчите на Арсенал ја прославија титулата во Премиер лига

Фудбалерите на Арсенал синоќа станаа шампиони на Англија по цели 22 години чекање.

Арсенал собра 82 бода по 37 од 38 кола, а со едно коло до крајот станаа шампиони откако натпреварот помеѓу Борнмут и Манчестер Сити заврши 1:1. На „Граѓаните“ им требаше победа за да останат во игра за титулата, но губеа 1:0 сѐ до судиското надополнување кога Ерлинг Халанд израмни, а потоа немаше време за уште еден гол.

Фудбалерите на Арсенал се собраа во својот тренинг камп во Лондон Колни за да го гледаат натпреварот, а по неговото завршување математички ја обезбедија титулата, и знаеја како бурно да ја прослават.

Со едно коло до крајот, Арсенал има недостижна предност од 4 бода во однос на Сити, па „Топчиите“ со тоа ја освоија титулата во англискиот шампионат по 14-ти пат во својата историја.

Големата прослава ќе следи дури во наредните денови на улиците на Лондон по завршувањето на сезоната.