Откако синоќа беа одиграни првите четири натпревари од осминафиналето на Лигата на шампионите, уште поинтересна програма е закажана за вечерва кога се закажани преостанатите четири натпревари.
Апсолутното дерби на осминафиналето во уште една класика ќе го играат Реал Мадрид и Манчестер Сити, два клуба кои редовно се среќаваат во последните години во нокаут фазата на Лигата на шампионите и кои гарантираат спектакл.
Овојпат, Сити се смета за голем фаворит на двомечот, бидејќи Реал Мадрид е во криза со резултатите, но и во големи проблеми со повреди.
Килјан Мбапе, Џуд Белингам, Родриго, Едер Милитао, Давид Алаба, Дани Себаљос и Алваро Карерас нема да играат за Реал вечерва, а уште неколку играчи се под знак прашалник, па затоа е јасно колку проблеми ќе има мадридскиот тим, пред сè со составувањето на тимот.
Натпреварот помеѓу Реал Мадрид и Манчестер Сити ќе се игра од 21 часот, кога и Бодо Глимт ќе го пречека Спортинг Лисабон, а потоа ќе се игра уште едно големо дерби помеѓу Пари Сен Жермен и Челси.
Дуелот помеѓу ПСЖ и Челси е дуел помеѓу актуелниот европски и актуелен светски шампион, а мала предност му се дава на ПСЖ пред овој дуел.
Интересно ќе биде и во првиот период од денешната програма кога Баер Леверкузен ќе го пречека Арсенал. „Топџиите“ сè уште се движат кон сите трофеи во кои учествуваат, а максималниот број бодови од лигашкиот дел од Лигата на шампионите му даваат оптимизам на Арсенал дека можат да го постигнат посакуваниот триумф вечерва.
18:45 Баер Леверкузен - Арсенал
21:00 Бодо Глимт - Спортинг
21:00 ПСЖ - Челси
21:00 Реал Мадрид - Манчестер Сити
