Вчера англискиот великан Манчестер Јунајтед доживеа уше еден тежок пораз. „Црвените ѓаволи“ беа понижени на гостувањето кај Њукасл со 4:1 и по 14-тиот пораз во сезоната се 14-тото место на табелата.
Последен пат Јунајтед во сезоната 1989/1990 имаше повеќе порази, 16 во 38 натпревари. До крајот на тековната сезона остануваат уште 6 кола, па има време за подобрување и на овој рекорд.
„Нема ништо полошо од губење на натпревари. Немам намера да се бранам или нешто слично. Ако ја погледнете табелата, таа кажува сѐ. Да изгубите натпревар е најтешкиот дел од оваа работа. Да се фокусираме на четврток (реванш четвртфиналето со Лион). Четврток е многу важен“, рече тренерот на Јунајтед, Рубен Аморим.
Поразот на „Сент Џејмс Парк“ откри еден неверојатен податок. Манчестер Јунајтед има повеќе порази во ерата по Сер Алекс Фергусон отколку што доживеа во текот на целиот мандат на славниот Шкотланѓанец.
Дејвид Мојс, Луи ван Хал, Жозе Мурињо, Оле Гунар Солскјер, Ралф Рангник, Ерик тен Хаг и сега Рубен Аморим претрпеа 115 порази со Јунајтед во 450 натпревари.
Сер Фергусон на 810 натпревари како тренер на „Црвените ѓаволи“ претрпе вкупно 114.
Во четврток Јунајтед го пречекува Лион, по 2:2 на првата средба во Франција.
