Меси имаше необична средба со Исланѓанец: Пред 17 години играше со татко му, сега против него

Аргентинската репрезентација ноќеска го победи Исланд во својот последен тест пред почетокот на Светското првенство, каде што ќе ја брани титулата планетарен шампион од Катар во 2022 година, а како и секогаш, ѕвезда на вечерта беше нејзиниот капитен Лионел Меси, кој овој пат имаше необична средба.

Магичниот гаучо доби стоечки овации од публиката кога влезе на теренот во второто полувреме, а кратко потоа намести пенал врз соиграч, па од 11 метри го донесе вториот од трите гола на својот тим. Неговата изведба беше особено ценета од Даниел Гудјонсен, иако го носеше дресот на поразениот ривал.

Причината е многу субјективна, бидејќи младиот исландски фудбалер му се обратил на Меси за да му пренесе поздрави од неговиот татко, Ејдур, со кого Меси, како постар тинејџер, некогаш ја делеше соблекувалната на Барселона и освојуваше трофеи. На почетокот на една голема кариера која трае толку долго и на толку високо ниво што тој ќе биде дел од уште едно Светско првенство.

„Ми рече: 'Се сеќаваш ли кој сум јас?' Бев изненаден во тој момент. Искрено, не се сеќавав бидејќи беше многу млад“, изјави Меси по мечот.

Според ESPN, најмладиот од тројцата синови на Ејдур Гудјонсен кога му пришол на Меси му рекол: „Здраво, ти играше со татко ми.“

Меси беше прекомандуван во првиот тим на Барса во сезоната 2004/2005. Најдобриот исландски фудбалер на сите времиња, Ејдур Гудјонсен, дојде во Барселона летото 2006 година од Челси и наредните три сезони ја делеше соблекувалната со Меси.

Даниел Гудјонсен е роден во март 2006 година во Лондон, пртед татко му да се пресели во Барса. И тој го дочека пориодот на Меси во Барса бидејќи младиот Исланѓанец играше за младинските категории на каталонскиот гигант од 2015 до 2019 година. Со наполнети 20 години има 5 настапи за Исланд и го чека првиот гол. Инаку е напаѓач, како татко му.

Што се однесува до мечот меѓу „Албиселесте“ и Исланѓаните, Аргентинците славеа со убедливи 3:0 со головите на Валентин Барко во 8. минута, Меси од пенбал во 72. и Тиаго Алмада 86. минута. Мечот се играше во Оберн, Алабама на „Џордан-Хер“ стадионот.