Интервјуто на Пирс Морган со Кристијано Роналдо предизвика доста возбуда, во кое славниот Португалец рече дека освојувањето на Светското првенство не го загрижува премногу и дека трофејот нема да ја дефинира неговата кариера.
„Ако мене ме прашате, Кристијано, дали е сон да се освои Светското првенство? Не, тоа не е сон. Да дефинирам дали сум еден од најдобрите во историјата, да освојам едно натпреварување, од шест или седум натпревари. Дали мислите дека тоа е фер?“, рече Роналдо.
За разлика од него, неговиот „вечен ривал“ Аргентинецот Лионел Меси го смета освојувањето на Светското првенство за врвно признание во неговата неверојатна кариера.
За потсетување, Меси го освои Светското првенство со Аргентина во 2022 година во Катар, а на Американскиот бизнис форум рече дека секој играч треба да се стреми да го освои Светското првенство.
„Вистината е дека е тешко да се објаснат чувствата од тој момент. Тешко е да се опише со зборови што значеше таа титула, на лично и семејно ниво, за моите соиграчи и за земјата. Беше јасно како земјата славеше, потребата и желбата што ја имавме тоа да се случи повторно по толку долго време“, рече Меси, додавајќи:
„За еден играч, освојувањето на Светското првенство е врвно достигнување. Тоа е како секој во својата професија, секој професионалец, да го достигне врвот. По Светското првенство, нема ништо повеќе. Не можете да побарате ништо повеќе. И покрај тоа, имав среќа што постигнав сè пред тоа. Тоа беше делот што недостасуваше. Беше како да ја затворам целата моја кариера со тој трофеј.“
