Лионел Меси влезе во историјата на светските првенства, но не на начинот на кој посакуваше. На натпреварот против Египет, аргентинскиот капитен го промаши вториот пенал на ова првенство, што не му успеало на ниту еден друг играч досега.
Египет ја изненади Аргентина и поведе во 15-тата минута со голот на Јасер Ибрахим, но Аргентина доби совршена можност да израмни само шест минути подоцна. Хаисем Хасан го собори Николас Таљафико во шеснаесетникот, а судијата без размислување досуди пенал. Меси ја презеде одговорноста, но неговиот удар беше брилијантно прочитан и одбранет од египетскиот голман Мостафа Шобеир.
Ова е вториот промашен пенал на Меси на ова Светско првенство, откако не беше прецизен дури ни против Австрија второто коло. Со тоа тој стана првиот играч во историјата на Светските првенства што промашил два пенала на ист турнир.
Со овој промашен пенал Меси зацврсти и два стари рекорди. Ова беше неговиот осми пенал изведен на Светските првенства, а досега го делеше рекордот со Хари Кејн со по 7 изведени пенали. Сега Меси е самостоен рекордер.
Од тие 8 пенали, Меси не реализираше дури 4, што е исто така рекорд. Заедно со Меси, само еден друг играч има промашено повеќе од еден пенал на Мундијалите, а тоа е Асамоа Џан, поранешниот репрезентативец на Гана. Џан промаши два пенала на Светските првенства во 2006 и 2010.
