Фудбалерите на Милан досега одиграа шест натпревари во Серија А, а статистичарите издвоија податок што укажува колку е тимот дефанзивно силен.
Екипата што ја предводи Масимилијано Алегри, а од средниот ред ја води Лука Модриќ, моментално е трета на табелата во италијанското првенство. Досега примила само три гола, а Рома е единствениот тим во лигата што има примено помалку (2).
Она што посебно се издвојува е податокот дека од шесте одиграни натпревари, Милан дури четири пати ја зачува својата мрежа недопрена.
Откако победата се вреднува со три бода (сезона 1994/1995), „росонерите“ од Сан Сиро тоа го направиле само еднаш, во сезоната 2006/2007. Opta, компанија што се занимава со спортска аналитика, поради ова го опишува овој Милан како многу тешко пробојна екипа и го нарекува „ѕид“.
Натпревари во лига на Милан оваа сезона:
- коло: Милан – Кремонезе 1:2
- коло: Лече – Милан 0:2
- коло: Милан – Болоња 1:0
- коло: Удинезе – Милан 0:3
- коло: Милан – Наполи 2:1
- коло: Јувентус – Милан 0:0
Модриќ, кој дојде во Милан пред почетокот на сезоната, ги одигра сите шест лигашки натпревари за својот нов клуб. Од можни 540 минути тој одигра 516, беше асистент на натпреварот против Лече и стрелец на победничкиот гол против Болоња.
