Двата калчолигаша подготвуваат необична размена овој летен трансфер период.
Првата размена треба да е на резервните голмани. Милан го мерка Пјерлуиџи Голини, кој покрај стандардниот Миле Свилар нема шанса во Рома, додека „Волчицата“ како негова замена го сака Марко Спортиело.
Голини во јануари се пресели во Рома од Аталанта, која од 2021 цело време го праќаше по позајмици (Тотенхем, Фиорентина, Наполи, Џеноа). Станува збор за квалитетен 30-годишен голман кој во Милан би можел да биде замена за Мајк Мењон доколку Французинот замине, за што има најави (Челси се интересира), но засега ништо конкретно.
Кога станува збор за втората трампа, тоа треба да биде со играчи од нападот. Новиот тренер на „Росонерите“, Масимилиано Алегри, е голем фан на корпулентниот украински репрезентативец Артем Довбик. Минатата сезона во Серија А, која му беше дебитантска, одигра 32 натпревара и постигна одлични 12 голови.
Милан планира да ја натера Рома да се откаже со Довбик со тоа што ѝ го нуди мексиканскиот репрезентативец Сантјаго Хименес. Тој во Милано пристигна во јануари од Фејнорд и на 14-те натпревари 5 пати се запиша во листата на стрелци. 24-годишникот моментално игра за Мексико на Голд купот, каде неговата репрезентација е во финалето. Нема постигнато гол.
Овие два клуба имаа успешна соработка минатото лето кога на позајмици ги разменија Теми Ејбрахам и Алексис Салемакерс.
