Фудбалот честопати ги пишува најневеројатните приказни, но оваа им припаѓа на оние што можат да се наречат чиста мистерија. Главната улога ја играат римските папи и англиските клубови.
Три пати во историјата, кога папата починал, клуб од Англија таа сезона ја освоил титулата во Лигата на шампионите.
Папата Франциск почина на 21 април годинава.
Дали е случајност, судбина или нешто друго? Да ја погледнеме хронологијата.
1978 година
Папата Павле VI почина во август.
Таа сезона 1978/1979, Нотингем Форест ја освои својата прва од двете титули во Купот на европските шампиони. „Шумарите“ во финалето го победија шведски Малме со 1:0.
2005 година
Во април почина папата Јован Павле II, еден од најомилените поглавари на римокатоличката црква во модерната историја.
Само неколку месеци подоцна, Ливерпул направи чудесен пресврт во финалето против Милан во Истанбул, од 0:3 дојде до 3:3, а потоа по изведувањето пенали ја освои Лигата на шампионите.
2022 година
Папата Бенедикт XVI (кој формално абдицираше во 2013 година) почина на 31 декември 2022 година.
Во сезоната 2022/23, Манчестер Сити ја освои својата прва титула со победата од 1:0 над Интер.
Случајност или судбина?
2025 година?
Оваа сезона, единствениот преостанат англиски клуб во елитното натпреварување е Арсенал, кој ќе го пречека ПСЖ во првиот натпревар од полуфиналето во вторник. Потоа доколку се пласира во финалето би играл со подобриот од двомечот Барселона - Интер.
