Македонската репрезентација за играчи до 21 година во прекрасна атмосфера во Битола ја пречека силната Италија и претрпе пораз од минимални 1:0.
Младите Италијанци, кои во составот имаа играчи од клубови како Наполи, Рома, Емполи и Сасуоло од Серија А, од самиот почеток покажа дека е поквалитетна екипа. Ја контролираше играта, напаѓаше, а младите Македонци се обидуваа да се заканат од контри.
Во 25-тата минута Брандо Моруци заработи втор жолт картон откако спречи опасен напад и „Аѕурините“ останаа со играч помалку. Ниту тоа не ѝ помогна на Македонија бидејќи десет минути подоцна новопечениот играч на наполи, дефанзивецот лука Марианучи ја затресе домашната мрежа на незадоволство на битолската публика.
По паузата Македонија заигра многу поонфазивно, обидувајќи се да ја искористи предноста од играч повеќе. Удари упатија Хамза и Николовски, но резултатот остана непроменет. Како што одминуваше времето Италијанците се стабилизираа од македонскиот притисок и до крајот ја контролираа играта и резултатот, па ја запишаа втората победа во овие квалификации откако претходно со 2:1 славеа над Црна Гора.
Македонија по првите две кола останува без бодови и без постигнат гол, но она што е најважнбо е што репрезентацијата по 31 година се врати во Битола. Имено, последен меч на Македонија во Градот на конзулите беше исто така У21 квалификациски и тоа против Шпанија на 11 октомври 1994 година.
