Реал Мадрид го загуби трофејот во Копа дел Реј откако во драматичен натпревар, пол со тензии, загуби од Барселона со 2:3. Два дена по натпреварот Don Balón, објави дека имало жестока конфронтација во соблекувалната на Реал по натпреварот во Севиља.
По втор пат во рок од неколку месеци, Реал доживеа пораз од Барселона во натпревар за трофеј. Финишот на мечот го обележа скандалозното однесување на Антонио Ридигер.
Германецот во „момент на лудило“, фрли пластично шише кон главниот судија, а потоа тргна и физички да се пресмета со него.
Неделникот Don Balón објави дека во соблекувалната во кличн влегле Ридигер и капитенот на тимот, Лука Модриќ.
„По натпреварот, двајцата играчи се судрија во соблекувалната, што резултираше со тепачка што мораа да ја прекинат другите играчи и членовите на тренерскиот штаб на Карло Анчелоти, кои зачудено гледаа што се случува“.
Хрватот го критикувал Ридигер за неговото однесување и му рекол дека е скандалозно тоа што го направил, дека со неговото однесување го оцрнил грбот на Реал и дека тимот не загубил само поради судијата.
Иако Ридигер на почетокот бил бесен и го критикувал Модриќ за неколку работи, на крајот се освестил и им се извинил на сите свои соиграчи и на тренерскиот штаб на клубот, а ден подоцна за однесувањето му се извини и на судијата Де Бургос.
Германскиот дефанзивец се соочува со суспензија од 4 до 12 натпревари.
