Модриќ стана најстариот стрелец во европските квалификации за СП

Фудбалската репрезентација на Хрватска ја декласираше Чешка (5:1) на „Опус Арена“ во квалификациите за Светското првенство синоќа, а Лука Модриќ (39) повторно се истакна.

Хрватскиот капитен реши да изведе пенал во 62-та минута, кој го доби Анте Будимир, а потоа ја испрати топката под гредата за 2:1, со што влезе во историјата.

Со тоа, Модриќ стана најстариот стрелец во историјата на квалификациите за Светското првенство во Европа.

Тој го симна од престолот капитенот на репрезентацијата на Босна и Херцеговина, Един Џеко, кој постигна гол во победата на „Змејовите“ од 1:0 над Сан Марино во саботата.

Модриќ е деветтиот најстар стрелец во однос на вкупните квалификациски натпревари, а рекордер е Китрој Корнелиус (Американски Девствени Острови), кој постигна гол на 43 години.

Патем, Модриќ имаше уште еден нереален натпревар во кој регистрираше одлична асистенција за Андреј Крамариќ и имаше 70/77 прецизни додавања.

Регистрираше 2/2 успешни дриблинзи, ги доби сите дуели на земја и не беше дриблингуван ниту еднаш.