Модриќ станува еден од сопствениците на Свонси

Познатиот хрватски фудбалер и член на Реал Мадрид, Лука Модриќ (39), наскоро ќе стане еден од сопствениците на велшкиот клуб Свонси.

Ова денеска ексклузивно го соопшти познатиот италијански инсајдер Фабрицио Романо, кој рече дека веќе е постигнат договор меѓу двете страни.

Сега сѐ што е потребно е да се испочитува потребната законска процедура и Модриќ ќе стане сопственик на малцински удел во Свонси.

Ова е клуб кој моментално се натпреварува во Чемпионшип, втората лига на англискиот фудбал, а пред осум години популарните „Лебеди“ беа меѓу елитата - во Премиер лигата.

Во последните денови многу се зборува за статусот на Модриќ во Реал Мадрид, каде што е јасно дека неговата кариера е при крај, но Романо тврди дека работата во Свонси не се одразува на играчката кариера на Хрватот.

Свонси моментално е 12-ти на табелата во Чемпионшип и сигурно нема да испадне, но исто така нема шанси да се бори за пласман во Премиер лигата.

Свонси е од истоимениот град во Велс и е еден од неколкуте велшки клубови кои настапувата во англиските лиги наместо во велшките. Друг познат таков пример е клубот Кардиф, кој исто така моментално игра во Чемпионшип лигата.