Македонската радио телевизија објави дека во новата сезона ќе врши директни преноси од сите натпревари во домашната фудбалска елита.
Сезоната 2025/2026 во 1.МФЛ почнува в петок со два дерби дуела, а двата ќе одат низ директни преноси на каналите на МРТ.
Благодарение на тоа што ФФМ одлучи натпреварите да се играат во различни термини од понеделник до петок, може сите шест натпревари да бидат пренесувани во живо.
Новата сезона почнува в петок од 17 часот со дуелот Шкендија - Шкупи во Тетово, а вечерта од 20 часот е најголемото македонско дерби Вардар против Пелистер во Скопје (билетите по цена од 300 денари се веќе во продажба).
Распоред за 1. коло:
петок, 17:00 часот
Стадион „Градски“ во Тетово
Шкендија - Шкупи
петок, 20:00 часот
Национална арена „Тодор Проески“ во Скопје
Вардар - Пелистер
сабота, 17:30 часот
Стадион „Башкими“ во Куманово
Башкими - Арсими
сабота, 17:30 часот
Стадион „Градска плажа“ во Струга
Струга - Македонија ЃП
недела, 17:30 часот
Стадион „Градски“ во Кавадарци
Тиквеш - Работнички
понеделник, 17:30 часот
Стадион „Силекс“ во Кратово
Силекс - Брера Струмица
