УЕФА ЛИГА НА ШАМПИОНИ 2025/2026 ПЛЕЈОФ

Мурињо и Бенфика повторно сакаат да ги соборат Кралевите

Со денешните четири плејоф натпревари започнува борбата за место во осминафиналето на Лигата на шампионите.

Нема сомнение дека најголемото внимание ќе биде насочено кон натпреварот помеѓу Бенфика и Реал Мадрид, поточно тренерот Жозе Мурињо, кој седи на клупата на тимот од Лисабон и некогаш го водеше „Кралскиот клуб“.

Самиот Португалец зборуваше за овој натпревар, свесен дека се соочуваат со одличен тим.

„Не е потребно да се зборува за Реал. Трофеите кажуваат сè. Затоа овој прв натпревар ќе го играме со глави, со амбиции и самодоверба. Навикнат сум на вакви натпревари за време на мојата тренерска кариера, го правам тоа цел живот. Луѓето често мислат дека сè се одлучува на првиот натпревар, но не е така, особено кога играте против вакви тимови. Тоа не е вистина, ова е само прво полувреме, но свесен сум дека мора да го постигнеме најдобриот можен резултат за второто полувреме, кое ќе следи во Мадрид“, рече Мурињо.

Од друга страна, тренерот на Реал Мадрид, Алваро Арбелоа, повикува на претпазливост, бидејќи Бенфика е исклучително сериозен тим, предводен од исклучително талентираниот тренер Жозе Мурињо.

„Бенфика ќе биде многу добра и ние мора да бидеме подготвени. Имаат неверојатен лидер кој им кажува како да играат, а тоа е нивниот тренер. Нашата цел не е да се одмаздиме на Бенфика, нашата цел е да ја освоиме Лигата на шампионите, а победата против Бенфика е чекор во таа насока“, рече Арбелоа.

Нема да има помалку возбудувања ниту во преостанатите три натпревари на денешниот распоред. Демотивираниот Јувентус по поразот во Дерби д'Италија гостува кај Галатасарај, Монако и ПСЖ играат во француското дерби, додека Борусија во Дортмунд ја пречекува незгодната Аталанта.