Мексиканецот Гиљермо Очоа (40) во последен момент одлучи да ја одбие понудата на шпанскиот второлигаш Бургос.
На последниот ден од преодниот рок, голманот, кој во својата кариера бранеше на 5 Светски првенства, со амбиција да го стори тоа по шести пат, пристигна во споменатиот шпански клуб за да го финализира договорот со претставниците на Бургос.
Сè одеше непречено за двете страни сè до моментот кога, според шпанските медиуми, Очоа побарал да се промени една ставка во договорот (не е наведено конкретно која), потоа ја напуштил канцеларијата и заминал на кафе.
И не се вратил. Телефонските повици на претседателот на Бургос биле залудни.
Така, во последен момент, тој остана без клуб во кој имаше план да се бори за место меѓу стативите и на тој начин да се наметне кај селекторот на „Ел Три“ за претстојниот Мундијал – што би бил негов рекорден шести во кариерата.
Бургос, во меѓувреме, имале подготвен план Б по ненадејното заминување на Очоа. Раководството на клубот реагираше брзо и го ангажираше Хесус Руис, Каталонец, кој беше слободен на пазарот откако го напушти тимот на Расинг Ферол.
Очоа има 151 натпревар за мексиканската репрезентација, а беше во репрезентацијата и летово на Гол купот во САД, кој и го освои. Но, последен пат бранеше за репрезентацијата лани во ноември.
