Шпанскиот голман Кепа Арисабалага (30) ќе ја продолжи кариерата во Арсенал, објавија британските медиуми.
„Топџиите“ бараа резервен голман, а нивната прва опција беше Жоан Гарсија (24) од Еспањол, но таа алтернатива пропадна бидејќи Барселона ги престигна. Затоа се свртеа кон Арисабалага, чиј договор со Челси истекува за една година.
Откупната клаузула е шест милиони евра, а Арисабалага би требало да го облече дресот на Арсенал.
Арисабалага пристигна во Челси во летото 2018 година од Атлетик Билбао во трансфер вреден дури 80 милиони евра, што е највисоката сума платена за голман во историјата на фудбалот.
Сепак, последните две сезони ги помина на позајмица, прво во Реал Мадрид, а потоа во Борнмут, каде што беше редовен играч во првиот тим. Сега се очекува да биде замена за Давид Рајо во Арсенал.
