Новата сезона во најдобрата македонска лига за фудбалерки ќе почне на 17 август, а во средата беа извлечени редните броеви според кои се прави распоредот на натпревари.
Бранителот Љуботен, кој успешно почна во квалификациите за Лигата на шампионите, походот кон одбрана на титулата ќе го почне од своето Тетово каде ќе го пречека тимот на Истатов.
Форматот во новата сезона 2025/2026 останува ист: од 10 тимови испаѓа само последнопласираниот, а претпоследниот игра бараж против второпласираната екипа од втората лига. Место во фудбалска Европа има само за шампионот.
И оваа сезона се очекува фаворит да биде Љуботен, а главни конкуренти да му бидат Каменица Саса и Тиверија Брера. Ново име е повратникот Кочани, кој лани ја освои втората лига.
Двојки за 1. коло:
Топ Гол - Тиверија Брера
Скопје 2014 - Кочани
Речица - Каменица Саса
Љуботен - Истатов
Ас Јунајтед - Атлетико
