Неверојатна сцена: Трамп одби да го напушти подиумот при прославата на играчите на Челси

Челси испиша историја по убедливата победа од 3:0 над ПСЖ како прв победник на Светското клупско првенство во новиот формат. Сепак, шоуто на „Сините“ го украде претседателот на САД, Доналд Трамп.

Имено, по натпреварот, се одржа свечена церемонија на доделување индивидуални награди: Роберто Санчес беше прогласен за најдобар голман, Кол Палмер за најдобар играч, а потоа следеше и доделување на победничкиот трофеј. Трамп беше задолжен за доделување на наградите, го врати и големиот пехар, а по церемонијата одби да го напушти подиумот.

Победниците очекуваа Трамп да се повлече, но беа многу изненадени кога сфатија дека тоа нема да се случи. Реакциите на капитенот Рис Џејмс и двојниот стрелец Кол Палмер беа особено интересни.

Херојот на Челси не можеше да поверува дека Трамп го зазема своето место во првиот ред на прославата и им рече на своите соиграчи да почекаат додека гостинот, кој останал подолго отколку што требало, не си замине. Фудбалските фанови на социјалните мрежи масовно го истакнуваат ова и шокираното лице на Палмер кога го виде Трамп како останува на прославата.

Претседателот на ФИФА, Џани Инфантино, исто така се обиде да го отстрани Трамп, но тој дури ни тогаш не попушти и си замина подоцна.

„Знаев дека ќе биде таму, но не знаев дека ќе остане на сцената кога го кренавме трофејот. Бев малку збунет, да“, призна Палмер пред новинарите по натпреварот.