Ништо од трансферот во Саудиска Арабија: Меси останува во Интер Мајами

Многу клубови од Саудиска Арабија, особено Ал Ахли, се надеваа дека Лионел Меси ќе го облече нивниот дрес, но од таков трансфер нема да биде ништо.

Имено, според информациите што се појавија во светските медиуми утрово, челниците на Интер Мајами се решени да ја задржат првата ѕвезда на тимот, а Аргентинецот, од друга страна, исто така се согласил да остане во Флорида.

Еден од најдобрите фудбалери во светот на сите времиња има важечки договор со членот на МЛС до крајот на 2025 година, а сега, како што стојат работите, е многу блиску до тоа да се согласи да остане уште некое време во тимот чиј косопственик е Дејвид Бекам.

Досега, ниту една страна не даде коментар за ова прашање, но многу светски медиуми нагласуваат дека Аргентинецот одлучил да остане во САД. 

Секако, супербогатите сопственици на клубови од Саудиска Арабија нема да се откажат толку лесно и ќе пробаат сè за да го убедат Меси да дојде во нивната земја, но како што стојат работите сега, останувањето во МЛС е најреалната опција за Аргентинецот.