Норвешка ноќеска го победи Сенегал со 3:2, со што по само две кола обезбеди место во нокаут-фазата на Светското првенство 2026.
По последниот свиреж, играчите го прославија својот триумф на интересен начин.
Наместо класичната прослава, тие дојдоа кај своите навивачи и седнаа на тревната. Капитенот Мартин Едегор го зеде тапанот од водачот на навивачите, додека остатокот од репрезентавците се наредија како да седат во херскип (голем борбен брод) и чекаа негов сигнал за да почнат да „веслаат“.
Кога Едегор го удри тапанот, сите играчи, предводени од Ерлинг Халанд, почнаа да „веслаат“ синхронизирано со илјадниците навивачи на трибините, а сцената брзо стана хит на социјалните мрежи.
The Norwegian team and fans doing the Row are just beautiful.pic.twitter.com/hi2YqZimUi
— World Cup 2026 Daily (@TotalFootball) June 23, 2026
На овој начин, Норвежаните им оддадоа почит на своите викиншки предци, а ова е традиција што ги следи сите норвешки спортисти и навивачи во последните години, а е особено популарна по големите победи и важните успеси.
Специфичната прослава претходно влезе и во норвешкиот парламент во Осло, каде сите пратеници, и од позиција и од опозиција, синхронизирано „веслаа“. Ова се случи пред натпреварот против Сенегал.
World Cup fever spread to Norway's parliament in Oslo where lawmakers joined together to perform a "Viking Row" to show support for their country's squad. https://t.co/NmPmfbx08v pic.twitter.com/2SJC545q86
— ABC News (@ABC) June 22, 2026
Во Македонија многу веројатно ова не би поминало, бидејќи секогаш ќе се најде страна што ќе најде некое влакно за да не учествува.