Се појави нова снимка од тепачка меѓу навивачите на Црвена звезда и полицијата, која покажува сериозен инцидент што избувнал пред натпреварот помеѓу Звезда и Линколн Ред Импс во второто коло од квалификациите за Лигата на шампионите.
Откако Црвена звезда победи со 1:0 на гости, тимот од Белград, поддржан од своите навивачи, победи со 5:1 во реваншот дома, обезбедувајќи пласман во третото коло од квалификациите. Во следната рунда ќе се сретнат со полскиот Лех од Познањ.
Но, пред почетокот на реваншот против тимот од Гибралтар, се случи сериозен инцидент пред северната трибина на стадионот „Маракана“. Навивачите и припадниците на полицијата се судрија, а сè кулминираше во физичка пресметка.
Ново видео објавено на интернет прикажува драматични сцени во кои јасно се гледа дека популарните Делии ги опколиле полицајците од две страни и брутално ги нападнале.
По големиот инцидент, српското Министерство за внатрешни работи издаде соопштение.
„Непосредно пред почетокот на фудбалскиот натпревар помеѓу Црвена звезда и Линколн, кој се играше во Белград, имаше нарушување на јавниот ред и мир и напад врз полицајци, што резултираше со повреди на неколку полицајци. Министерството за внатрешни работи уште еднаш го привлекува вниманието на организаторите на спортски настани на обврските при организирање спортски настани кои се јасно дефинирани со Законот за спречување на насилство и несоодветно однесување на спортски настани, кој јасно и децидно му наложува на организаторот на спортски настан на кој начин и како да го организира. Министерството за внатрешни работи, во наредниот период, ќе ги обезбедува спортските настани со потребниот, но минимален број членови, бидејќи организаторите се должни, согласно законот, да обезбедат соодветен број работници за физичко и техничко обезбедување за одржување на редот во спортскиот објект. Министерството во оваа прилика посочува дека, во наредниот период, како и досега, максимално ќе го зголеми својот ангажман и активности за зачувување на стабилен јавен ред и мир“, се вели во соопштението.
