Натпреварувачката комисија при ФФМ денеска го објави распоредот на натпревари во втората лига за сезоната 2026/2027, откако вчера го направи истото за првата лига.
Според календарот, новата сезона почнува 15 август, а есенскиот дел завршува со 13-тото коло на 28 ноември, по што следува редовната зимска пауза. Сезоната продолжува со пролетниот дел на 20 февруари, а последното 26. коло е на програмата на 22 мај.
Во новата сезона втората лига ќе брои 14 клубови, два помалку од претходно. Од првата лига се приклучија Прелистер, Брера Струмица, Македонија ЃП, Работнички и Шкупи, а од третите лиги доаѓаат Еуромилк и Камјани, кој е единствен дебитант.
Сезоната ќе има само 26 кола, дури 10 помалку од прволигашите. Се игра по системот секој со секого по еднаш дома и еднаш на гости. Затоа и зимската пауза ќе трае речиси три месеци.
Дури 4 екипи се од Скопје, а 2 има од Струмица. Останатите екипи се од Битола, Гевгелија, Кочани, Охрид, Радовиш, Тетово, како и од селата Новаци и Камењане.
Доста трофејна ќе биде втората лига нареднава сезона бидејќи ќе се натпреваруваат поранешните прволигашки шампиони и куп освојувачи Работнички (4 лига, 4 купа), Шкупи (4 лига, 3 купа), Македонија ЃП (1 лига, 3 купа), Пелистер (2 купа), Тетекс (2 купа) и Брера Струмица (1 куп).
1. коло:
Пелистер - Камјани
Брера Струмица - Еуромилк
Македонија ЃП - Тетекс
Работнички - Кожуф
Шкупи - Дет. Плачковица
Охрид Лихнидос - Новаци
Беласица - Осогово
Пласман во првата лига ќе обезбедат првопласираните две екипи, додека третопласираниот тим ќе игра бараж натпревар против екипата што ќе заврши на 8. место во првата лига. Од лигата ќе испаднат последнопласираните три екипи, кои ќе бидат заменети со три од шесте победници на новите третолигашки региони, по одигрувањето на бараж натпревари.
За разликата од македонската елита, во втората лига не се користи ВАР системот. За добар дел од клубовите би било голем товар инсталирањето на потребната опрема за ВАР камерите на нивните стадиони, а финансиски огромен товар би паднал и на ФФМ поради потребата од оптички интернет на секој меч.
Во прилог распоредот за есенскиот дел (клик на сликата за поголема верзија):
