Со жрепка денеска во просториите на ФФМ беа одредени паровите за бараж натпреварите за пополнување на втората лига за наредната сезона 2026/2027.
Во баражот учествуваат петте победници на групите од третата лига, како и три второлигаши пласирани на 9, 10 и 11 место на табелата.
Фортуната одлучи четирите двојки да бидат:
Тетекс (Тетово) – Влазними (Струга)
Саса (Македонска Каменица) – Еуромилк (Горно Лисиче)
Кожуф (Гевгелија) – Борец (Велес)
Победа (Валандово) – Камјани (Камењане)
Натпреварите ќе се играат викендот на 30 и 31 мај, со тоа што мечот меѓу Тетекс и Влазними ќе се одигра в недела, додека останатите три средби ќе се играат в сабота. Почетокот е закажан за 16:30 часот.
Градовите домаќини ќе бидат дополнително одредени.
