Тренерот на Арсенал, Микел Артета, откри дека разговарал со сонародникот и пријател Жузеп Гуардиола и побарал совет од него пред натпреварот со Реал Мадрид.
Ваквата изјава уследи по мечот во кој „Топчиите“ го изненадија европскиот шампион и убедливо го победија во првиот четвртфинален натпревар од Лигата на шампионите со 3:0.
„Разговарав со Пеп пред неколку дена и сакав да го прашам за совет. Секогаш треба да учите од најдобрите“, рече Артета.
Микел Артета му беше помошник на Пеп во Манчестер Сити неколку сезони пред да стане тренер на Арсенал.
Воедно, пред Арсенал, Реал лесно во плејофот за место во осминафиналето го елиминира Манчестер Сити.
