Поради досадниот ПСЖ, Французите го менуваат форматот на лигата

ПСЖ доминира во францускиот фудбал, па Лиг 1 за многумина веќе станува монотона. Клубот од главниот град може да изгуби само ако Луис Енрике одлучи да одмори половина од тимот, па дури и тоа е прашање, бидејќи актуелниот шампион има исклучително квалитетни играчи дури и меѓу резервите.

Француската фудбалска федерација сериозно размислува за промена на форматот на натпреварувањето во Лиг 1. Медиумите во оваа земја известуваат дека се разгледува можноста за плејоф меѓу четирите најдобри екипи од регуларната сезона, кој ќе го одлучи националниот шампион.

Во полуфиналето, лидерот на табелата ќе игра против четвртопласиранит, а вториот ќе игра против третиот. Победниците ќе одлучуваат кој ќе го добие трофејот.

Причината за ова разгледување е фактот што ПСЖ доминира во Франција со години и е практично недопирлив за другите тимови. Со новите правила, Французите веруваат дека борбата за титулата би била поинтересна бидејќи во еден натпревар сѐ може да се случи.

ПСЖ на коло до крајот има 19 бодови предност пред второпласираниот Марсеј. Лани заврши со 9 бодови пред Монако, во сезоната 2022/2023 имаше само бод пред Ланс, а пред четири години стана шампион со 15 бодови пред вториот Марсеј. Освен тоа, од сезоната 2012/2013, кога ПСЖ почна да доминира, досега освои 11 титули, а само Монако и Лил по еднаш успеаја да му го лишат од пехарот (2016/2017 и 2020/2021).