Селекторот на македонската репрезентација до 21 година, Горан Станиќ, го објави списокот со повикани фудбалери за натпреварите против Ерменија и Црна Гора од квалификациите за ЕУРО 2027.
Младата репрезентација година квалификациите за пласман на ЕУРО 2027 ги отвори со два пораза од фаворитите во групата. Против Полска загубивме со 3:0 на гостински терен, а во Битола славеше Италија со минимални 1:0.
„Во составот има само една промена во однос на претходните натпревари. Шабан Зенку со добрите игри во Струга заслужи место и се надевам дека на прав начин ќе ја зголеми конкуренцијата во тимот. На двата натпреварa против Ерменија и Црна Гора одиме на победа. Мислам дека сме подготвени, одредени моменти од дуелите против Полска и Италија ни даваат за право да бидеме оптимисти. Верувам во оваа група фудбалери, атмосферата во тимот е одлична и сигурен сум дека со поддршката на навивачите во Битола ќе покажеме вистинска енергија и борбен дух. Очекуваме победа дома, бидејќи знаеме колку ни значат трите бода за продолжување на квалификациите“, изјави селекторот Станиќ.
На списокот на селекторот се следните 23 фудбалери:
Голмани:
Васко Василев - Работнички
Љупче Џеков - Силекс
Славе Вргов - Брера Струмица
Одбрана:
Давид Даилоски - ВВВ (Холандија)
Андрија Димески - Вождовац (Србија)
Андреј Аризанкоски - Брера Струмица
Анес Мелиќи - Шкендија
Ѓорге Џеков - Силекс
Нуман Ајетовиќ - Шкендија
Меметриза Хамза - Струга
Џезаир Авдули - Арсими
Среден ред:
Матеј Ангелов - Работнички
Шабан Зенку - Струга
Адриан Зенделовски - Олимпик (Шведска)
Теодор Николовски - Работнички
Мартин Ѓоргиевски - Збројовка (Чешка)
Матеј Гаштаров - Црвена звезда (Србија)
Напад:
Михаил Талевски - Вардар
Димитар Данев - Вардар
Кире Стојанов - Брера Струмица
Мухамед Елмас - Македонија ЃП
Дашмир Елези - Работнички
Димитар Трајков - Работнички
Македонија прво игра против Ерменија на 10 октомври на стадионот „Петар Милошевски“ во Битола, а потоа гостува во Подгорица кај Црна Гора на 14 октомври.
