Пред 4 години играа во четврта лига, сега ќе бидат бундеслигаши

За прв пат во историјата, играчите на Елверсберг изборија пласман во Бундеслигата, откако го декласираа Минстер со 3:0 во натпреварот од последното 34. коло од 2.Бундеслига. Елверсберг го обезбеди второто место на табелата зад Шалке 04.

Клубот, основан во 1907 година, е од градот Шпизен-Елверсберг, кој има само 13.000 жители, и игра на стадион кој собира 10.000 навивачи, што го прави еден од најмалите клубови што некогаш играле во Бундеслигата.

За прв пат во историјата, Елверсберг обезбеди пласман во втората Бундеслига 2 во 2023 година, а сега успеа да се пласира и во елитниот ранг на германскиот фудбал.

Во својата историја, помина најмногу време во аматерскиот ранг на германскиот фудбал, а во еден момент клубот играше во седмата лига.

Овој клуб ја освои четвртата лига Југозапад во сезоната 2021/2022 година, а само една година подоцна обезбеди пласман во повисок ранг и за прв пат во историјата се пласираше во втората лига, три години подоцна да освои место меѓу најдобрите.

Третопласираниот Падерборн ќе игра против Волфсбург, кој заврши на 16. место во Бундеслигата, во баражот за пласман во елитата.

Фортуна од Диселдорф и Минстер испаднаа во третата лига. Гројтер Фирт ќе игра бараж за опстанок против Есен, третопласиран од третата лига.