ПСЖ го краде големото засилување на Јувентус: Сузуки веќе виден во Париз

Пари Сен-Жермен е на чекор од потпишување на еден од најбараните млади голмани во Европа. Францускиот шампион испрати официјална понуда до Парма вредна 33 милиони евра за јапонскиот голман Зајон Сузуки и во моментов е во најдобра позиција да го комплетира трансферот.

Иако Јувентус долго време се сметаше за главен фаворит за потписот на јапонскиот репрезентативец, ПСЖ во последните денови ја презеде иницијативата. Челниците на парискиот клуб испратија конкретна понуда, а Парма е подготвена да ги продолжи преговорите и да го финализира договорот.

Покрај финансиските услови, парижаните му претставија на Сузуки и спортски проект во кој тој ќе игра важна улога во наредните сезони.

23-годишниот јапонски играч привлече внимание со своите одлични настапи за Парма, а благодарение на неговите самоуверени интервенции и зрелост, брзо стана еден од најперспективните голмани на својата генерација.

Според извештаите од Франција и Италија, преговорите се во завршна фаза и се очекува трансферот наскоро да биде финализиран. Доколку зделката биде комплетирана, ПСЖ ќе му зададе сериозен удар на Јувентус, кој исто така сакаше да го потпише талентираниот јапонски голман, но сега остана еден чекор зад актуелниот европски шампион.

За репрезентацијата на Јапонија има 28 настапи, а го чуваше голот и на Светското првенство 2026. Во Парма е од летото 2024 година кога дојде од Урава Ред Дајмондс. Роден е во САД од мајка Јапонка и татко Ганец, а според јапонските закони го носи презимето на мајка му.