ПСЖ продава една од своите главни ѕвезди за да не ја повтори грешката со Мбапе

Пари Сен-Жермен ги реши своите проблеми со голманите со доаѓањето на Лука Шевалје од Лил и сега може да се фокусира на продажба на Џанлуиџи Донарума.

Италијанскиот репрезентативец игра за популарните „Светци“ од 2021 година, а неговиот договор истекува следната сезона. Сепак, поради несогласувања со ПСЖ околу продолжувањето на соработката, ПСЖ е отворен за преговори за негова продажба, според италијанскиот Corriere dello Sport.

„Иднината на Џанлуиџи Донарума би можела да биде далеку од Париз. Италијанскиот голман и ПСЖ сè уште не постигнале договор за продолжување на неговиот договор, кој истекува во јуни 2026 година. Донарума постојано ја нагласуваше својата желба да остане во француската престолнина, а ПСЖ, искористувајќи го ова, му понуди договор со помала плата. Оваа понуда не наиде на одобрување од тимот на Донарума“, се наведува во текстот.

Италијанецот беше важна алка во тимот на Луис Енрике, освојувајќи го француското првенство, купот и Лигата на шампионите со клубот, но проблем за парижаните е неговата плата од 12 милиони евра по сезона.

Главната цел на ПСЖ е да ја избегне грешката што ја направи со Килјан Мбапе кога загубија клучна ѕвезда без обештетување. Поради оваа причина, клубот е подготвен да ги разгледа понудите. Мбапе, за потсетување, минатото лето замина во Реал Мадрид како слободен агент.

Донарума е посакуван од Манчестер Јунајтед, кој размислува да доведе нов голман, а според медиумските извештаи, нудат 40 милиони евра за неговите услуги.

Покрај Јунајтед, Манчестер Сити, Челси и Галатасарај покажаа или сè уште покажуваат интерес за Донарума, чии навивачи ги преплавија профилите на Донарума на социјалните мрежи.