Реал 2 часа кружеше над Њујорк, слета дури откако ургираше ФИФА

Во тек е завршницата на Светското клупско првенство, каде што ПСЖ и Реал Мадрид ќе се борат за место во финалето - каде што Челси веќе ги чека. Во текот на ноќта, фудбалерите на кралскиот клуб имаа големи проблеми со слетувањето на авионот.

Тие кружеа околу Њујорк 2 часа без запирање бидејќи не им беше дозволено да слетаат поради голема бура што го погоди Њу Џерси - една од општините на Големото јаболко. Според информациите од спортските новинари, ФИФА на крајот морала да инсистира на тоа на авионот со фудбалерите на Реал да му биде дозволено да слета.

Мадриѓаните летаа од Мајами, каде што беа стационирани за време на турнирот. Вечерва ќе го играат својот полуфинален натпревар на стадионот „МетЛајф“ во Њу Џерси - местото каде што ќе се одржи финалето на Светското првенство во 2026 година.

Временските услови на таа локација во моментов не се во најдобра состојба, а големото прашање е под какви околности последните два победника на Лигата на шампионите ќе се борат за место во финалето.