Реал гостува кај дома непоразениот Арсенал

Чекавме еден месец за повторно да ја гледаме Лигата на шампионите и конечно го дочекавме 8 април, кој ни носи двe квалитетни четвртфинални пресметки меѓу Арсенал и Реал и Баерн и Интер.

Првите натпревари од четвртфиналето на Лигата на шампионите ќе се играат во следните два дена, а Арсенал ќе биде домаќин на бранителот на титулата Реал Мадрид, додека Баерн и Интер ќе играат во Минхен.

Арсенал доминираше во Лигата на шампионите заедно со Ливерпул и Барселона. Лондонскиот клуб игра исклучително цврста одбрана, прима малку голови и знае како да го контролира поседот. Доживеа еден пораз, од Интер во Милано, а дома е непоразен сезонава во европската елита. По елиминацијата на ПСВ, жрепката „Топчиите“ ги спои со Реал Мадрид.

Овие два клуба се имаат сретнато само двапати во Лигата на шампионите и тоа во 2006 година. Тогаш Арсенал победи со 1:0 во Мадрид со голот на Тјери Анри, додека резултатот во Лондон беше 0:0.

Оттогаш имаат одиграно две пеиујателски: на Емирејтс купот Арсенал победи со 1:0 во 2008, а на летната тура во САД во 2019 година беше 2:2 во регуларното време, па Реал победи со 3:2 по изведувањето на пенали.

Кога станува збор за играчкиот кадар, Арсенал има многу повеќе проблеми. Жолти картони има Рахим Стерлинг, во нападот отсуствуваат Каи Хаверц и Габриел Жезус, а во одбраната ќе отсуствуваат Габриел Магаљајс и Рикардо Калафјори.

Гостите се без суспендираниот Орелјан Чуамени, под знак прашалник е и голманот Тибо Куртоа, а отсутни се и Дани Себаљос и Дани Карвахал. Затоа, Килјан Мбапе и Винисиус Жуниор ќе го предводат нападот.

Веројатни состави:

Арсенал: Раја; Тимбер, Салиба, Кивиор, Луис-Скели; Одегард, Парти, Рајс; Сака, Мерино, Мартинели.
Повредени: Калафјори (колено), Габриел (тетива), Хаверц (тетива), Жезус (колено), Томијасу (колено)
Суспендирани: Стерлинг
Неизвесни: нема
Ќе го пропуштат реваншот доколку пожолтат: Мартинели, Рајс, Тимбер

Реал Мадрид: Куртоа; Валверде, Раул Асенсио, Ридигер, Фран Гарсиа; Родриго, Модриќ, Камавинга, Белингам; Мбапе, Винисиус
Повредени: Карвахал (колено), Себаљос (мускул), Едер Милитау (колено)
Суспендирани: Чуамени
Неизвесни: Лунин (лист), Менди (тетива)
Ќе го пропуштат реваншот доколку пожолтат: Камавинга, Ендрик, Едер Милитау, Модриќ, Ридигер, Лукас Васкес, Винисиус

Овој натпревар љубителите на фудбалот во Мaкедонија ќе може во живо да го следат на каналот Arena Premium 1.

Реваншите од четвртфиналето се закажани за 15 и 16 април.

Арсенал или Реал Мадрид во полуфиналето ќе играат со победникот од двомечот ПСЖ - Астон Вила, додека другата двојка ќе биде подобриот од дуелот Баерн - Интер против Барселона или Борусија.

Финалето на Лигата на шампионите ќе се одигра на 31 мај во Минхен.

Вторник, 21:00:

Арсенал - Реал Мадрид (Arena Premium 1)
Баерн - Интер (Arena Premium 2)

Среда, 21:00:

Барселона - Борусија Дортмунд (Arena Premium 1)
ПСЖ - Астон Вила (Arena Premium 2)