Рејндерс го потврди трансферот на Думфрис во Реал: Голем чекор напред, среќни сме поради тоа

Играчот од средниот ред на Манчестер Сити и холандската репрезентација, Тиџани Рејндерс, го потвдрди еден од најголемите трансфери ова лето.

Зборувајќи со новинарите по синоќешниот пораз на Холандија од Алжир со 1:0, играчот на Манчестер Сити зборуваше за својот репрезентативен соиграч Дензел Думфрис, кој веќе се поврзуваше со трансфер во Реал Мадрид.

Иако трансферот сè уште не е официјално потврден, одговорот на Рејндерс дополнително ги разгоре гласините.

„Трансферот на Дензел Думфрис во Реал Мадрид? Да, сите му честитавме. Тоа е голем чекор за него и многу сме среќни за него. Тој покажа што може да направи во изминатите две сезони и заслужува да биде потпишан од Реал Мадрид“, рече Рејндерс.

Неговите зборови брзо предизвикаа бројни реакции на социјалните мрежи, при што многу фанови веруваа дека играчот од средниот ред на Сити ефикасно потврдил трансфер што клубовите сè уште официјално не го објавиле.

Думфрис моментално игра за Интер, а според европските медиуми, гигантот од Мадрид платил откупна клаузула од 20 милиони евра за него. Во клубот од Милано дојде од ПСВ летото 2021 година за 14,25 милиони евра. За Интер одигра вкупно 207 натпревари во сите конкуренции, постигна 27 голови и направи 28 асистенции.

Десниот бек беше еден од најважните играчи на Интер во изминатите сезони, а особено се истакнуваше во натпреварите од највисоко ниво, поради што долго време беше на радарот на најголемите европски клубови.

Засега нема официјална потврда ниту од Реал Мадрид ниту од Интер, додека самиот Думфрис одби да ги коментира наводите за евентуален трансфер.

Сепак, по изјавата на Рејндерс, се чини дека една од најголемите трансфер приказни ова лето доби нова димензија.

Думфрис по татко е од Аруба, а по мајка од  Суринам, двете поранешни холандски колонии. Маклумина знаат дека пред да заигра за Холандија всушност настапуваше за Аруба, но настапите само на 2 пријателски му дозволија потоа да направи промена на спортски пасош.

Името Дензел му го дале неговите родители по холивудскиот актер Дензен Вошингтон.