Ридигер му се извини на судијата Де Бургос за дивјачкото однесување

Фудбалерот на Реал, Антонио Ридигер, јавно им се извини на судијата и навивачите за своето однесување во финишот, поради што доби црвен картон во финалето на Копа дел Реј и поразот. Купот го освои Барселона со победата од 3:2, остварена во 116-тата минута.

Германскиот репрезентативец, незадоволен од една одлука на Де Бургос, фрли пластично шише кон судијата, а потоа се обиде и да влезе на теренот за да се пресмета со него.

Шпанските медиуми објавија дека тој се соочува со суспензија од 4 до 12 натпревари.

„Дефинитивно нема оправдување за моето однесување. Многу ми е жал. Одигравме многу добар натпревар од второто полувреме, по 111. минута повеќе не можев да му помогнам на мојот тим, а пред последниот свиреж направив грешка. Уште еднаш им се извинувам на судијата и на сите што ги разочарав“, напиша 32-годишниот Ридигер на социјалната мрежа X.