Кристијано Роналдо со нетрпение ги чека резултатите од медицинските тестови откако беше принуден да излезе за време на победата на Ал Наср од 3:1 над Ал Фејха во Саудиската професионална лига во неделата. Португалската ѕвезда им сигнализираше на клупата во 80-тата минута дека не може да продолжи поради болка, а подоцна беше виден со мраз на задниот дел од коленото.
Ова е вторпат во една недела 41-годишниот фудбалер да биде заменет пред крајот на натпреварот. Слична ситуација се случи и во средината на неделата против Ал Наџма, кога тој исто така го напушти натпреварот порано. Тренерот на Ал Наср, Жорже Жесус, го потврди проблемот на Роналдо.
„Роналдо почувствува мускулен замор. Медицинските служби итно ќе ги спроведат потребните тестови за да ја утврдат неговата состојба“, рече Жесус.
Времето на повредата предизвика загриженост со оглед на тоа што Светското првенство е за само за три месеци. Доколку се покаже дека проблемот е посериозен, искусниот напаѓач би можело да го пропушти Мундијалот кој би бил шести за него и со тоа би поставил рекорд.
Португалија на жрепката доби релативно лесна група во која ќе се соочи со Колумбија, Узбекистан и победникот од плејофот помеѓу ДР Конго, Јамајка и Нова Каледонија. Се очекува турнирот да биде збогување на Роналдо од Светското првенство, што го прави секое продолжено отсуство од теренот особено загрижувачко за португалската репрезентација.
