Лигата на шампионите на УЕФА е најсилното светско клупско фудбалско натпреварување.
Европската фудбалска организација воведе драстични промени во системот на натпреварување почнувајќи од оваа сезона, воведувајќи формат со 36 екипи кои ќе се натпреваруваат на едно рангирање.
Сепак, како што е најавено, на повидок се нови промени кои би можело да бидат воведени веќе од следната сезона. Ова ќе се одлучува по седницата на 30 мај.
Со цел да се намали заморот на играчите, УЕФА ќе воведе пенали откако во нокаут фазата по два натпревара ќе има нерешен резултат. Сега по два натпревара се игра дополнителен половина час. Елиминирањето на тие продолженија би го намалило оптоварувањето на играчите во веќе преполн распоред.
Екипите кои ќе завршат на местата од прво до осмо место во првата фаза од Лигата на шампионите ќе имаат позначајна предност на домашен терен. Во осминафиналето, четвртфиналето и полуфиналето, реваншот ќе го одиграат на домашен терен. Таа предност досега ја имаа само во осминафиналето.
УЕФА размислува да го врати правилото за забрана на клубовите од исти земји да играат меѓу себе пред четвртфиналето. Главната причина се финансиите, бидејќи натпреварите меѓу клубовите од истите земји се помалку профитабилни поради гледачите и спонзорите.
