Селекторот на македонската репрезентација, Гоце Седлоски, го објави списокот на фудбалери на кои ќе смета за претстојните пријателски натпревари против учесниците на Мундијалот 2026, Босна и Херцеговина и Турција.
На денешната прес-конференција Седлоски објави список со 27 имиња од кои дури шестмина се дебитанти. Откако вчера со Силекс го освоија Купот на Македонија, деби повик добија крилниот напаѓач Дарко Додев и играчот од дефанзивната средина и капитен на тимот, Дарко Анѓелески. Тројца од оние што ќе чекаат деби настап се од новопечениот лигашки шампион Вардар, и тоа голманот Давор Талески, десниот латерален бек Георгије Јанкулов и напаѓачот и капитен Азер Омерагиќ. Последниот дебитант е левиот бек Дин Аломеровиќ, кој игра во Романија. Талески претходно беше повикуван, но сѐ уште нема запишано настап.
Селекторот направи доста промени од мартовскиот список, неповикувајќи неколкумина играчи, но и неколку не му беа достапни поради повреди. Такви се случаите со Љупчо Дориев, Лука Станковски, Егзон Бејтулаи, Марио Илиевски и Димитар Митровски, додека поради клупски обврски не можат да се стават на располагање Тихомир Костадинов и Андреј Стојчевски.
Голмани:
Столе Димитриевски – Валенсија (Шпанија)
Дамјан Шишковски – Борац (Босна и Херцеговина)
Давор Талески – Вардар
Одбрана:
Ѓоко Зајков – Аџман (ОАЕ)
Висар Муслиу – Синт-Трујден (Белгија)
Никола Серафимов – Левски (Бугарија)
Дин Аломеровиќ – УТА (Романија)
Езѓан Алиоски – Лугано (Швајцарија)
Јован Манев – Нови Пазар (Србија)
Имран Фетаи – Шкендија
Себастиан Ерера Кардона – Борац (Босна и Херцеговина)
Стефан Деспотовски – ОФК Београд (Србија)
Дарко Велковски – Вардар
Георгије Јанкулов – Вардар
Средина:
Елиф Елмас – Наполи (Италија)
Енис Барди – Конјаспор (Турција)
Бобан Николов – Вардар
Јани Атанасов – Лариса (Грција)
Агон Елези – Сараево (Босна и Херцеговина)
Сефер Емини – Сендерјиске (Данска)
Дарко Анѓелески – Силекс
Дарко Додев – Силекс
Напад:
Бојан Миовски – Ренџерс (Шкотска)
Дарко Чурлинов – Коџаелиспор (Турција)
Елмин Растодер – Тун (Швајцарија)
Азер Омерагиќ – Вардар
Милан Ристовски – Бохемианс 1905 (Чешка)
Македонија на 29 мај гостува во Сараево кај Босна и Херцеговина, додека веднаш потоа на 1 јуни оди за Истанбул на пресметка со Турција.
Собирот на репрезентацијата е закажан за 25 мај во хотелот „Хилтон“ во Скопје.
